Энэ блогоос: | Үүцлэх | өөр блог » |
Блог үүсгэх | Нэвтрэх |
Ядарч байна,
Цаг хугацаагаа дуусгах гэж
Цагаа барьцаанд тавьлаа.
Цөхөрч байна,
Маргаашийг дургүйхэн харах гэж
Мөнгөн гинжээ зарлаа.
Залхаж байна,
Хүсээгүй ирээдүйг хүртэх гэж
Хамаг бүхнээ золилоо.
Баярлаж байна,
Хойшдын төлөө зориулах
Хугархай харандаа ч үлдээгүйд.
Хувь тавилан, заяа төөрөг, зурсан зураг гэж байхгүй. Гэхдээ, санамсаргүй зүйл гэж байхгүй.
Эргүүтэж дуусав.
Ядам хуруун дахь гархиа сугалаад
Явлаа би чамаас, үүрд.
Үлдээсэн бэлзэг минь хэн нэгний
Үнэт хуруунд нь таарвал
Намайг мартсаны тэмдэг болгож
Насан туршид нь зүүлгээрэй.
"Гурвуул нэг завиар"
"Муу ёр 666"
"Ороолон"
"Мартин Иден" гэсэн номнуудыг зарах хүн байна уу?
Үхсэн сэтгэлийн минь сүнс
Өрөөгөөр холхин тэнүүчлээд,
Үгүйрсэн бүхний төлөө
Өөрийг минь буруутган бувтнахад
Тэвчээр алдарсан би
Тамхиа дуусгалгүй унтраагаад,
Гэм буруугаа үүрэхээр
Гэрэлт хорвоог орхив.
Намраас намарт
Миний сэтгэлийн шувууд
Буцах нутаггүйгээс
Бүгд амь тавьцгаадаг.
Нулимсаар нэрсэн дарсанд согтуурхсан сэтгэл
Надад өөрийн "сэтгэлээ" удтал уудлахад
Хэзээ ч түүнийг ойлгож байгаагүйгээ мэдэрсэндээ
Хуурай аньсага зовсхийн хулмалзав.
Аяга дүүрэн хорыг
Амтархан залгилахдаа
Халихыг хүссэнсэн.
Амьдрал харин надад
Атаархан хорссондоо
Хоронд дасгачхаж.
Хаа нэгтэйгээс өөрийн үнэн дүр төрхийг олж харах. Зөрүүд, зожиг, ганцаардмал, өвчнөө дарахын тулд алив нэгэн зүйлд донтогч. Өөрийн дүр төрхийг олж харсан хэдий ч өөрийгөө бус олж харсан дүр төрхөө өрөвдөх. Харин тэр дүр төрх минь намайг харсан бол намайг өрөвдөх байх байсан байх даа. Ганцаардал туйлдаа хүрэхэд, хэдэн настай, хэн байх нь хамаагүй, эцсийн тулах цэг ээж рүүгээ ярих. Өөрийгөө толинд харсан ч энэ дүр төрхийг үнэнээр нь харж чадахгүй л байх байсан болов уу.
Зүсэлт өвдөлт үүсгэнэ. Нэг өвдөлт нөгөөгөө сарниулна.
Мянга мянган харцанд жигvvрээ хяргуулсан
Миний зовлонт, хараат амьдрал.
Хэлээгүй, хэлэх ч үгүй үгс
Хэзээ ч үнсэхгүй үнсэлтийн хамт
Борооны ганц дусалд цөм багтаад
Бүлээн уруул дээр чинь хүчтэйхэн унахад
Цочсондоо чи уруулаа хазлан
Цаг хугацаа руу эргэн харна.
муусайн хуулбарлагсад ичээсэй билээ. муу ч, сайн ч өөрөө өөрөөрөө үлдэх л хамгийн сайхан нь байлтай. хэн нэгний дуураймал байлаа гээд нөгөө хүнийхээ мэдэрдэг мэдрэмжийг олж мэдэрч чадах уу? үгүй л байхгүй юу. зөөз, ер нь бодоод байсан чинь тэдэнд уурлах биш, харин ч "хохь нь" гээд инээх нь зүйтэй юм шиг санагдаад явчихлаа. єрєвдєлтэй ч юм дєє.
ХОХЬ НЬ! (ингэж хэлээд арзайтлаа инээв)
Жаргаж үзэв үү энд?
Жаргал гэдэг юу сан билээ?
Зовж үзэв үү энд?
Зовлон гэдэг юу сан билээ?
Мөхсөн мэдрэмжүүдийн ачаар
Мэдэрч үзсэнгүй юуг ч.
Алийг нь ч мэдэрч чадаагүйдээ
Амаа барин харууссангүй.
Зовоож бас жаргаагаагүй
Зол заяандаа талархав.
ойрд нээрээ сайхан идэж байнаа. муу хүн идсэнээ гэж. гэхдээ яадий. идээл байгаа нь үнэн л юм чинь. он хэрвээ энэ янзаараа надад хоол хийж өгөөд, намайг хооллоод байхын бол би нэг их удахгүй, гахай ч надад атаархам "тарга"-тай болно байхаа гсн, лол. бэлэн гоймон, бургерээс өөр юм идээгүй удсан ходоод маань хоол идсэн чинь хямарч нтр.
нээрээ он надаа V for Vendetta дээр хийдэг шиг өндөг, талхтай шарж өгсөн ш д.
Чамд бичсэн
Хаяггvй захидлаа шатаалаа.
Yнс нь хийсэн хийссээр
Хэзээ нэгтээ євєр дээр чинь
Зєєлєн буух тэр цагт
Бичигдсэн vгсийг нь
Чи тайлан уншиж чадна.
Харанхуйн дунд ганцаар сууна,
Хахир амьдрал дотроос олсон
Хэсэгхэн таашаал минь энэ л буюу ..,
photo by ollie
model ollie
ollie's home studio гсн :р
Хувиршгүй хүйтэн ирээдүй
Хүлээж цөхөөд одоход
Хаачихаа мэдэхгүй би
Хөзрөөр мэргэ хийнэ.
